Hagnýting skýjalausna er leyndarmálið að baki árangursríkri, stafrænni vegferð

Áhersla á skýjavegferð viðskiptavina á morgunverðarfundi Wise

Wise stóð fyrir morgunverðarfundi á Grand hótel þann 26. janúar 2024, þar sem m.a. var fjallað um framtíðarsýn Wise og skýjavegferð viðskiptavina.

Rekstrarumhverfi fyrirtækja þróast nú hraðar en nokkru sinni fyrr, m.a. vegna tilkomu skýjaþjónustu sem opnar á mörg tækifæri, líkt og hagnýtingu gervigreindar og dýpri gagnagreiningu. Þegar tækninni fleygir fram standa fyrirtæki einnig frammi fyrir nýjum áskorunum en ef tæknin er beisluð á réttan hátt mun hún styðja við og auka vegferð þeirra fyrirtækja sem nýta sér hana.

Wise hefur lagt áherslu á að þróa og veita lausnir sem gera fyrirtækjum, stofnunum og sveitarfélögum kleift að fullnýta sér kosti nýrrar upplýsingatækni. Allar okkar hugbúnaðarlausnir hafa verið aðlagaðar að skýjaþjónustu og höfum við markvisst unnið að því að breikka úrval lausna til að bjóða heildstætt lausna- og þjónustuframboð. Tvö fyrirtæki hafa til að mynda bæst í Wise samstæðuna, en það eru CoreData sem er skjala- og málakerfi og Þekking sem sér um hýsingu og rekstur fyrir fjölmörg íslensk fyrirtæki.

Síðasta stóra uppfærslan

Ýmsir kostir fylgja því að vera með hugbúnaðaráskrift í skýinu, líkt og Microsoft býður upp á fyrir Business Central. Ábyrgð á uppfærslum færist frá viðskiptavininum yfir á Microsoft og hugbúnaðarframleiðendur eins og Wise. Í skýjaumhverfi uppfærast kerfi sjálfkrafa og nýjustu útgáfur sérkerfa Wise verða aðgengilegar um leið og þær koma út - notendur hafa ávallt aðgang að nýjustu uppfærslum. Því má segja að með því að færa sig upp í skýið frá on-prem útgáfu sé í raun um síðustu stóru uppfærsluna að ræða.

Niðurstöður spurningar þar sem þátttakendur á morgunverðarfundinum voru spurðir; “Hvað kemur upp í hugann þegar þú heyrir talað um ský og skýjaumhverfi?”

Þegar komið er í skýjaumhverfi er kostnaður fyrirsjáanlegur og uppitími nálægt 99,98%. Samþættingar eru auðveldar og hægt að nýta sér þau fjölmörgu öpp sem eru til staðar á markaðssvæði Microsoft, AppSource.

Hvað er AppSource? AppSource er markaðstorg Microsoft þar sem notendur geta sótt fyrir lausnir á borð við Business Central, Power BI, Dynamics 365 og Microsoft 365. Þar eru tilbúnar tengingar við ótal lausnir aðgengilegar notendum sem minnkar þörfina á sérbreytingum með tilheyrandi kostnaði.  

Í skýjaumhverfi halda gögnin áfram að tilheyra þínu fyrirtæki og Microsoft leggur mikið upp úr því að vernda gögn og tryggja að öll þeirra kerfi fylgi ströngustu eftirlits- og öryggisstöðlum.

En hvað er ský? Ský, eða tölvuský, vísar í geymslu gagna á netþjóni í staðinn fyrir að þau séu geymd á staðartölvu. Gögn eru geymd í tölvuumhverfi sem er rekið af öðrum og notendur sækja með því að hlaða niður í gegnum netið. Dæmi um slíkar þjónustur sem mörgum notendum eru kunnug má nefna Gmail, Dropbox og Facebook.

Nýjasta nýtt í Business Central

Með því að færa reksturinn upp í skýið opnast á ótal mörg tækifæri til þess að tengja kerfi og púsla saman svo úr verði heildstæð lausn sem hentar þínu fyrirtæki, án þess að þurfa að innleiða stór og þung kerfi sem nýtast bara að hluta og tala jafnvel ekki saman. Í skýinu er innbyggð samþætting milli Business Central og annarra Microsoft lausn, til dæmis er hægt að opna Business Central beint inni í Outlook og deila gögnum úr Business Central á Teams.

Aðrar nýjungar frá Microsoft:

• Pivot aðgangur fyrir allar töflur án þess að þurfa að fara úr Business Central.
• Copilot fyrir Business Central sem til dæmis auðveldar leit að samningum og flýtir samskiptum við viðskiptavini.

Microsoft gefur út tvær stórar útgáfur af Business Central á ári sem báðar eru stútfullar af nýjungum sem auðvelda notendum enn frekar að nýta kerfið.

Förum saman í stafræna vegferð

Til þess að komast upp í skýið og ná að fullnýta þau tækifæri sem umhverfið býður upp á þurfa fyrirtæki oft að ganga í gegnum miklar breytingar. Slíkum umbreytingum er gjarnan líkt við vegferð og á stafrænni vegferð þurfa fyrirtæki að yfirstíga ýmsar áskoranir.

Wise færir sínum viðskiptavinum tólin og tækifærin til að fá sem mest út úr sinni stafrænu vegferð og fullnýta tækifærin sem felast í Microsoft umhverfinu og áskrift í skýinu.

Hvað felst í stafrænni vegferð? Með stafrænni vegferð er átt við þá vegferð sem fyrirtæki leggja í til að besta ferla með nýtingu á nýrri tækni, stafrænum lausnum og skýjaþjónustu.   

Ef þú ert að íhuga að færa þig yfir í skýið og ert ekki viss um hvar þú átt að byrja eða ert í leit að traustum samstarfsaðila til að vinna með þér að þinni stafrænu vegferð, þá skaltu hafa samband við okkur.