Gervigreind og stafrænt starfsfólk í Business Central og Wise lausnum
Wise MCP
Wise AI Automation
Gervigreind sem þið getið treystfyrir bókhaldinu.
Wise AI Automation lætur gervigreind og stafrænt starfsfólk vinna raunveruleg verk í Business Central og Wise lausnunum: bóka, senda, afstemma og minna á. Ekkert er bókað án forskoðunar, ekkert fer yfir mörkin sem þið setjið og hvert skref er skráð.
Virkar líka í spjalli með Claude, ChatGPT og Microsoft Copilot.
Öryggi og yfirsýn í hverju verki
Gervigreind sem vinnur í bókhaldinu þarf skýrar reglur. Þær eru innbyggðar í Wise AI Automation og gilda um hvert einasta verk, sama hvaða gervigreind biður um það.
Forskoðun fyrir hverja bókun
Áður en nokkuð er bókað sést nákvæmlega hvaða færslur verða til. Bókunin verður að passa við forskoðunina, annars er henni hafnað.
Upphæðarmörk
Þið setjið hámark á hverja aðgerð og á fyrirtækið á sólarhring. Það sem fer yfir mörkin fer sjálfkrafa í samþykkt.
Samþykki í Business Central
Samþykki fara um samþykktarferli Business Central til réttra aðila. Gervigreindin samþykkir aldrei eigin verk.
Fólkið ykkar sendir peninga og skil
Greiðslur fara aldrei í bankann og skil fara aldrei til Skattsins nema manneskja samþykki og sendi.
Varanleg skráning á öllu
Hver aðgerð er skráð í Business Central: hver bað um hana, frá hvaða gervigreind, hvað var forskoðað og hver samþykkti. Færslum í skránni er ekki hægt að breyta eftir á.
Hvert verk bókað einu sinni
Hvert verk ber sitt eigið auðkenni. Ef tenging rofnar og verkið er reynt aftur er það ekki bókað tvisvar.
Ykkar innskráning, ykkar gögn
Gervigreindin vinnur með innskráningu notandans. Tengiþjónninn vistar hvorki lykilorð, aðgangslykla né bókhaldsgögn.
Þið getið stöðvað hvenær sem er
Stöðvið eina aðgerð, einn notanda, einn stafrænan starfsmann eða allt fyrirtækið strax.
Fáið tímann til baka fyrir það sem skiptir máli
Mest af tíma bókarans fer í verk sem eru eins í hvert skipti: að bóka, senda, afstemma og minna á. Stafrænt starfsfólk tekur þessi verk. Fólkið ykkar fer yfir niðurstöðurnar og sinnir því sem þarf mannlegt mat.
Tölurnar eru dæmi. Sláið inn ykkar eigin fjölda og tíma. Útreikningurinn er einföld margföldun og ekki loforð um árangur.
Stafrænt starfsfólk sem tekur frumkvæðið Í prófun
Stafrænn starfsmaður fer af stað þegar eitthvað gerist í Business Central eða á föstum tíma. Hann vinnur verkið, skráir það og lætur vita ef eitthvað þarf samþykki.
Reikningur er gefinn út, reikningur er bókaður, eða klukkan slær: daglega, á virkum dögum eða í mánaðarlok.
Hann les færsluna aftur í Business Central og kannar heimildir, mörk og stöðvanir áður en nokkuð er gert.
Það sem er innan markanna er unnið strax. Annað fer í samþykkt hjá réttum aðila.
Hver keyrsla er skráð með kveikju, starfsmanni og niðurstöðu. Kerfisstjóri getur stöðvað allt strax.
Bókar útgefna reikninga
Þegar sölureikningur er gefinn út bókar starfsmaðurinn hann, ef upphæðin er innan markanna.
Reikningar bíða í útgefinni stöðu þar til einhver hefur tíma til að bóka þá.
Bókað um leið. Reikningar yfir mörkum bíða samþykkis.
Sendir bókaða reikninga
Þegar reikningur er bókaður sendir starfsmaðurinn hann viðskiptavininum, eins og Business Central er stillt.
Bókaðir reikningar gleymast og greiðslur berast seinna.
Reikningurinn fer strax. Hægt er að sjá hvort sendingin tókst.
Fylgist með gjaldföllnum kröfum
Daglega, á virkum dögum eða í mánaðarlok finnur starfsmaðurinn viðskiptavini sem þarf að minna á og útbýr áminningar.
Innheimtan situr á hakanum þegar mikið er að gera.
Engin krafa gleymist. Útgáfa og sending fylgja ykkar stillingum.
Afstemmir safnlykla við undirbækur
Í mánaðarlok, eða oftar ef þið viljið, ber starfsmaðurinn safnlykla viðskiptamanna og lánardrottna saman við færslur þeirra.
Afstemmingin er unnin í töflureikni dögum eftir mánaðamót, ef tími gefst.
Niðurstaðan bíður í Business Central: mismunur, frávik og færslur sem skýra hann. Ekkert er leiðrétt án ykkar.
Afstemmir birgðir við safnlykla
Starfsmaðurinn ber birgðavirði saman við birgðalykla fjárhagsins og finnur kostnað sem á eftir að bóka.
Mismunur í birgðum finnst við uppgjör, þegar erfitt er að rekja hann.
Frávik sjást strax, með skýringum. Starfsmaðurinn bókar aldrei sjálfur.
Gerir sjóðstreymisspá í hverri viku
Í hverri viku, eða eins oft og þið veljið, reiknar starfsmaðurinn sjóðstreymið næstu vikur úr bókhaldinu: bankastöðu, kröfur, skuldir, pantanir og virðisaukaskatt.
Sjóðstreymisspáin er sett saman í töflureikni þegar einhver hefur tíma til þess.
Ný spá bíður í Business Central í hverri viku, með lægstu stöðu, forsendum og greiðsluvenjum viðskiptavina. Þið getið líka spurt: „Hvernig lítur sjóðstreymið mitt út 1. nóvember?“
Eigin auðkenni
Hver starfsmaður hefur sitt eigið auðkenni í Business Central. Hann notar aldrei aðgang starfsmanns.
Innan heimilda eigandans
Hver starfsmaður hefur eiganda og getur aldrei gert meira en eigandinn má.
Fólk sér um peninga og skatta
Stafrænn starfsmaður sendir aldrei greiðslur í banka og skilar aldrei til Skattsins. Það gerir alltaf manneskja.
Þið getið stöðvað hvenær sem er
Hægt er að stöðva einn starfsmann, eina aðgerð eða allt fyrirtækið, strax.
Stafrænt starfsfólk er í prófun hjá Wise. Fleiri kveikjur og verk bætast við.
Gervigreindin kann á Wise lausnirnar ykkar
Wise AI Automation vinnur ekki bara með almenn gögn í Business Central. Hún kann á Wise lausnirnar sem þið notið nú þegar og vinnur verkin í þeim eins og þjálfaður notandi.
Business Central
- Stofnar, uppfærir og bókar sölureikninga, pantanir og kreditreikninga
- Sendir reikninga og sækir PDF
- Jafnar og afskrifar færslur viðskiptamanna og lánardrottna, með samþykki
- Prófjöfnuður, afstemmingar undirbóka og fjárhagsskýrslur
- Birgðaleiðréttingar og talningar
Wise Banking
- Útbýr greiðslutillögur
- Sannreynir viðtakendur greiðslna
- Staðfestir greiðslur til sendingar, með samþykki
- Sækir bankayfirlit og sýnir stöðu afstemminga
- Finnur greiðslur sem stranda
Wise VSK
- Undirbýr virðisaukaskattsskýrslu
- Afstemmir hana við fjárhag og finnur frávik
- Ber skýrsluna saman við gögn Skattsins
- Undirbýr leiðréttingar
Rafrænir reikningar
- Fer yfir innkomna rafræna reikninga
- Stofnar innkaupaskjöl úr þeim
- Setur sölureikninga í rafræna sendingu og fylgist með stöðu
- Endursendir það sem mistókst
Wise Kort
- Les kortafærslur og kortayfirlit
- Leggur til og skráir bókhaldslykla
- Stofnar innkaupareikninga úr kortafærslum
Wise Innheimta
- Finnur ógreiddar kröfur
- Stofnar innheimtukröfur
- Fylgist með stöðu og sögu krafna
Verktakamiðar
- Útbýr verktakamiða
- Kannar þá fyrir skil
- Fylgist með stöðu skila
Wise Verk
- Stofnar verkreikninga
- Uppfærir verkáætlanir og bókar verkbók
- Skráir og sendir tímaskráningar
- Sýnir arðsemi verka
Wise Samþykktir Væntanlegt
- Setur reikninga í samþykktarferli
- Sýnir samþykkjanda staðreyndir um reikninginn
- Listar reikninga sem bíða manns sjálfs
Fyrir hverja viðbót þarf viðkomandi Wise lausn að vera uppsett.
Spyrjið á venjulegu máli og fáið svarið strax
Sömu verk eru í boði í spjalli. Notandinn skráir sig inn með sínum Microsoft-aðgangi og biður um verkið á venjulegu máli. Gervigreindin vinnur alltaf með heimildum notandans.
„Hvaða viðskiptavinir skulda meira en 90 daga?“
Svar beint úr Business Central, án þess að afrita neitt.
„Útbúðu greiðslutillögu fyrir föstudaginn.“
Tillagan er tilbúin í Wise Banking til yfirferðar og samþykktar.
„Er VSK-skýrslan í samræmi við fjárhaginn?“
Afstemming og listi yfir frávik, áður en skilað er.
Virkar með Claude, ChatGPT, Microsoft Copilot og öðrum biðlurum sem styðja Model Context Protocol (MCP).
Þið ákveðið hversu mikið gervigreindin gerir sjálf
Við uppsetningu er valið eitt af þremur stigum. Hægt er að stilla hverja aðgerð fyrir sig síðar. Greiðslur og skattskil þurfa alltaf manneskju, sama hvaða stig er valið.
Varfærið
Allt sem gervigreindin gerir bíður samþykkis.
- Drög og bókanir bíða samþykkis
- Nýir viðskiptamenn og lánardrottnar þurfa samþykki
- Lægri hámörk á fjölda aðgerða
Jafnvægi
Gervigreindin vinnur sjálf innan skýrra marka.
- Drög eru stofnuð án samþykkis
- Bókanir keyra innan upphæðarmarka, ef kerfisstjóri leyfir
- Til dæmis 500.000 kr. á bókun og 2.000.000 kr. á sólarhring
- Það sem fer yfir mörkin bíður samþykkis
Frjálst
Mest sjálfvirkni.
- Söludrög keyra án marka
- Tífalt hærri mörk í prófunarumhverfi
- Í raunumhverfi gilda sömu mörk og í Jafnvægi
- Í raunumhverfi þarf kerfisstjóri að staðfesta valið sérstaklega og það er skráð
| Tími | Hver | Kveikja | Verk | Niðurstaða |
|---|---|---|---|---|
| 08:00 | Starfsmaður: Innheimta | Virkir dagar 08:00 | Áminningar útbúnar | 12 áminningar |
| 09:12 | Starfsmaður: Bókun | Reikningur gefinn út | Bóka sölureikning | Bókað innan marka |
| 09:12 | Starfsmaður: Sending | Reikningur bókaður | Senda sölureikning | Sent |
| 10:40 | Notandi B (Copilot) | Beiðni í spjalli | Greiðslutillaga | Bíður samþykkis |
Dæmi til skýringar. Tölur og notendur eru ekki raunveruleg gögn.
Algengar spurningar
Hvað er stafrænn starfsmaður?
Sjálfvirkt ferli sem vinnur tiltekið verk í Business Central þegar eitthvað gerist eða á föstum tíma, án þess að neinn sé skráður inn. Hann hefur sitt eigið auðkenni, eiganda sem ber ábyrgð á honum og mörk sem hann fer aldrei yfir.
Hvaða heimildir hefur stafrænn starfsmaður?
Hver stafrænn starfsmaður vinnur innan heimilda eiganda síns og aðeins þau verk sem honum eru falin. Í spjalli vinnur gervigreindin alltaf með heimildum innskráðs notanda.
Hvað með greiðslur og skattskil?
Gervigreindin getur undirbúið greiðslur og skattskil. Greiðslur fara aldrei í bankann og skil fara aldrei til Skattsins nema manneskja samþykki og sendi.
Hvernig stjórnum við stafrænu starfsfólki?
Kerfisstjóri velur verkin, sjálfvirknistigið og mörkin í Business Central. Hann getur stöðvað einn starfsmann, eina aðgerð eða allt fyrirtækið strax og stöðvunin er skráð.
Hvar eru gögnin geymd?
Í Business Central, eins og áður. Tengiþjónninn sem Wise rekur vistar hvorki bókhaldsgögn né aðgangslykla notenda og skráir ekki innihald fyrirspurna.
Hvernig er tímasparnaðurinn reiknaður?
Reiknivélin margfaldar fjölda verka, mínútur á hvert verk og hlutfallið sem þið teljið að starfsmaður geti tekið. Hún byggir á ykkar tölum. Við förum yfir raunverulegar tölur með ykkur í samtali.
Hvað þarf til?
Business Central í skýinu (útgáfa 29 eða nýrri), Wise AI Automation viðbótina og innskráningu með Microsoft-aðgangi. Fyrir verk í Wise lausnum þarf viðkomandi lausn. Business Central á eigin netþjónum er ekki stutt að svo stöddu.
Hvenær er þetta í boði?
Wise AI Automation er í prófun hjá Wise. Við tökum fyrstu viðskiptavini inn í samráði við þá. Bókið samtal ef þið viljið vera með frá byrjun.
Stafrænt starfsfólk vinnur verkin. Fólkið ykkar sinnir því sem skiptir máli.
Tengjumst
Við skoðum þetta saman