Wise Wallet
Með Wise Wallet geta fyrirtæki, stofnanir og sveitarfélög boðið viðskiptavinum að vista kortin sín í farsímanum sem veitir þeim aðgang að fyrirframgreiddri vöru, þjónustu eða viðburði.
Þú öðlast fullkomna yfirsýn yfir notkun, sjálfvirknivæðir áður endurtekna vinnu starfsfólks og viðskiptavinir þínir njóta enn betri upplifunar og þjónustu.
Viðskiptavinir
Mörg fyrirtæki, stofnanir og sveitarfélög þekkja það að vera í myrkrinu þegar kemur að því að hafa yfirsýn yfir notkun korta. Erfitt getur verið að halda utan um hversu mörg kort eru í umferð, hver séu enn virk, svo ekki sé talað um tímann og kostnaðinn við að prenta þau út.
Með Wise Wallet öðlast þú betri yfirsýn á notkun þeirra korta sem fyrirtækið þitt eða stofnun gefur út. Allt gengur sjálfkrafa fyrir sig, þú getur fylgst með notkuninni í rauntíma, skoðað tölfræði og tekið út skýrslur.
Viðmót og virkni
Öll umsýsla og stillingar á viðmóti fara fram í bókhaldskerfinu og bjóðum við tilbúna samþættingu við Microsoft Dynamics Business Central. Kortunum er stillt upp, lýsing skrifuð og þeim raðað eftir því hvernig þau eiga að birtast notendum; verð eru sett inn, auk afslátta ef við á, og greiðslumöguleikar stilltir. Einnig er hægt að sjá yfirlit yfir seld kort þar sem má skoða samþykktar bókanir, hægt er að sía færslur og taka út skýrslur.
Það er mjög einfalt fyrir viðskiptavini þína að byrja að nota Wise Wallet. Til að kaupa vöru eða þjónustu skannar viðskiptavinur QR kóða á staðnum sem flytur viðkomandi sjálfkrafa yfir á vefsíðu þar sem valið er kort til að kaupa, t.d. árskort, klippikort eða einskiptis kort. Þá skráir viðskiptavinur sig inn með rafrænum skilríkjum og klárar kaupin. Í kjölfarið er sendur tölvupóstur á netfang viðskiptavinar þar sem viðkomandi er boðið að bæta kortinu við í snjallveskið. Viðskiptavinur getur í framhaldinu fylgst með stöðu sinna korta inn á vefsíðunni.
Fyrirtækið fær aðgang að vefviðmóti þar sem stjórnendur og starfsfólk getur skoðað yfirlit yfir öll kort, stöðu þeirra, notkun yfir ákveðinn tíma, ásamt tölfræði. Starfsfólk í afgreiðslu getur auk þess notað vefviðmótið í afgreiðslunni til fylgjast með skönnunum í rauntíma.
Ávinningur
Engin þörf er á handavinnu við að færa greiðslur yfir í bókhaldskerfið heldur bókast allt sjálfkrafa.
Það leiðist öllum að bíða í röð eftir afgreiðslu, svo er líka bónus að þurfa ekki að muna eftir kortinu eða miðanum. Auk þess hefur starfsfólkið meiri tíma til að sinna öðrum verkefnum.
Þú öðlast nýja sýn með yfirliti yfir öll kort, notkun þeirra og tölfræði. Auk þess sem viðskiptavinir geta skoðað stöðu sinna korta.
Viðskiptavinur verslar og skráir sig sjálfur inn án aðkomu starfsfólks. Fyrirtæki geta líka sent skilaboð (e. push notification) hratt og örugglega til viðskiptavina.
Engin þörf er á plastkortum og pappírsmiðum, auk þess sem það sparar viðskiptavinum áhyggjur af því að muna eftir því að taka þau með sér.
Ekki er þörf á flóknum eða dýrum tækjabúnaði til að skanna QR kóðann, það má t.d. nota spjaldtölvu.
Tengjumst
Við skoðum þetta saman
