Verum á varðbergi - svindl eykst á tilboðsdögum!

11.11 – Singles Day | 28.11 – Black Friday | 01.12 – Cyber Monday 

Í kringum þessa daga fjölgar tilboðum og því miður líka tilraunum til netglæpa. Netglæpamenn nýta hraðann og spennuna í kringum þessa daga til að smygla fölskum tilboðum, SMS-skilaboðum um sendingarnúmer og fölskum gjafabréfum.  
Hér eru nokkur einföld og hagnýt ráð til að verja þig og fyrirtækið þitt. 

Hvað þarf að hafa í huga? 

Of góð tilboð eru oft fölsuð 

Ef tilboð virðist vera of gott til að vera satt, er það líklega það! 
Athugaðu netfang sendanda og slóð áður en þú smellir – eða opnaðu slóðina í vafra frekar en að smella beint. 

Taktu þér tíma – ekki láta tímapressu hafa áhrif á þig 

Vefveiðipóstar reyna oft að skapa tímapressu („aðeins 1 klst eftir!“).  
Taktu þér tíma til að meta hvort þetta sé raunverulegt. 

Farðu beint á vefverslunina – ekki smella á tilboðshlekki 

Sláðu inn slóðina sjálf/ur í vafrann. Ekki smella á tilboð sem berast í tölvupósti eða SMS.  

Vertu á varðbergi gagnvart fölsuðum vefverslunum 

Netglæpamenn búa til vefverslanir sem líta út eins og  alvöru vefsíður. 
Athugaðu alltaf: 

• Er slóðin rétt? (t.d. amazon.com en ekki amaz0n.com) 
• Er vefurinn með örugga tengingu (https)? 
• Er eitthvað skrýtið við útlit eða tungumál? 

Ekki smella á hlekki í óvæntum tölvupóstum eða SMS 

Vefveiðipóstar (e. Phishing) eru oft merktir sem „takmarkað magn“, „sértilboð“ eða „síðasta tækifæri“. Þeir geta innihaldið spilliforrit eða beint þér á svikavefi. 

Notaðu öruggan greiðslumáta 

Forðastu að slá inn kortaupplýsingar á síðum sem þú þekkir ekki. Notaðu greiðslumáta með vörn, t.d. kreditkort eða PayPal. Forðastu beinar millifærslur. 

Fyrir fyrirtæki: 

• Fræðið starfsfólk um hættuna – sérstaklega þá sem vinna við þjónustu eða fjármál fyrirtækja. 
• Virkjaðu varnir fyrir vefveiðum (e. phishing) í tölvupóstkerfum. 
• Notið margþátta auðkenni (e. MFA) – sérstaklega fyrir kerfi sem tengjast pöntunum og greiðslum. Þetta eiga allir að nota, alltaf. 
• Hvetjið til tilkynninga um grunsamlega pósta eða hegðun.