10 mikilvæg netöryggisatriði

Stærstu netverslunardagar ársins eru nú handan við hornið, Stafrænn mánudagur, Dagur einhleypra og Svartur föstudagur. Það er mikilvægt að gæta að öryggi þegar stórir netverslunardagar eru í gangi, þar sem fjöldi netverslana eykst og hættan á netsvindlum verður meiri.

Við höfum að því tilefni tekið saman 10 góð ráð sem fyrirtæki og starfsfólk þarf að hafa í huga til að auka netöryggi sitt:

1. Notaðu aðeins öruggt net 

Forðastu að versla yfir ótryggum eða opnum Wi-Fi-netum. Best er að nota þitt eigið lokaða net eða VPN-þjónustu.

2. Athugaðu URL og SSL skírteini 

Gættu þess að vefslóðin (URL) byrji á https:// og að hengilásamerki sé við hliðina á slóðinni, það staðfestir að síðan sé örugg.

3. Vertu á varðbergi gegn svikum 

Ef tilboðið er of gott til að vera satt, þá gæti það verið svindl. Athugaðu hvort verslunin sé áreiðanleg og reyndu að forðast grunsamleg tilboð eða nýjar og óþekktar netverslanir.

4. Staðfestu lögmæti vefsíðna 

Farðu inn á opinberar síður netverslana eða notaðu leitarvélar til að finna þær í stað þess að ýta á hlekki. Falsaðar síður og vefslóðir líkjast þekktum verslunum.

5. Gerðu kröfu á sterk lykilorð 

Tryggðu að þú og allt starfsfólk noti einstök og flókin lykilorð sem tengist þeim ekki persónulega. Notkun lykilorðageymslu bætir öryggi og tveggja þátta auðkenningar (2FA), t.d. auðkennislykill/FIDO2.

6. Ekki deila óþarfa upplýsingum 

Áreiðanlegar netverslanir biðja aðeins um nauðsynlegar upplýsingar fyrir greiðslu. Ekki gefa frá þér of miklar persónuupplýsingar, þar sem það getur verið merki um svik.

7. Kynntu þér ábyrgðir seljanda 

Gakktu úr skugga um að netverslanir hafi skýra stefnu um endurgreiðslur og ábyrgðir, þannig að réttindi séu tryggð ef eitthvað fer úrskeiðis með kaupin. 

8. Veldu öruggar greiðsluleiðir 

Notkun kreditkorta er oft öruggari en debetkorta í netviðskiptum, þar sem þær bjóða oft upp á meira öryggi og betri vörn gegn svikum.

9. Ekki smella á vafasama tengla 

Ef þú færð grunsamlegan tölvupóst eða skilaboð með hlekk á tilboð, farðu þá fyrst inn á vefsíðuna hjá versluninni í stað þess að smella beint á tengilinn. 

10. Hafðu vírusvörn og eldvörn virka 

Virkt vírusvarnarforrit og eldveggur getur varið þig og þitt fyrirtæki gegn netógnum, þar á meðal skaðlegum hugbúnaði og vefveiða-árásum. Hafðu einnig sjálfvirkar uppfærslur virkar á öllum tækjum og búnaði fyrirtækis.

Ef þú gætir þín á þessum atriðum, ert þú og þitt fyrirtæki betur varin gegn netsvindlum og hafið aukið öryggi ykkar á netinu til muna.