– stafræn kort og greiðslugátt komin í gagnið

Lánþegar Bókasafns Kópavogs geta nú gengið frá uppgjöri við safnið án þess að mæta á staðinn þökk sé nýrri stafrænnri lausn sem Wise þróaði í samstarfi við Kópavogsbæ. Lausnin felur í sér rafræna greiðslugátt sem tengist stafrænu bókasafnskorti og er sú fyrsta sinnar tegundar á Íslandi. 

Með þessari nýjung geta íbúar og aðrir lánþegar t.d.: 

Stafræna kortið virkar eins og hefðbundið plastkort – það er borið undir skynjara í sjálfsafgreiðsluvélum eða notað í afgreiðslu þegar við á. 

„Þetta er stórt skref í átt að betri þjónustu við lánþega,“ segir Lísa Zachrison Valdimarsdóttir, forstöðumaður bókasafnsins. „Við sjáum mikla ánægju hjá gestum og notkunin eykst stöðugt.“ 

Markmiðið með innleiðingu greiðslugáttarinnar er að einfalda daglegan rekstur bókasafnsins og gefa starfsfólki meiri tíma til þjónustu og ráðgjafar. Nú þegar hafa um 12% lánþega sótt sér stafrænt kort og fjöldinn fer vaxandi. 

Þessi lausn er hluti af stefnu Kópavogsbæjar um að efla stafræna þjónustu og einfalda samskipti við íbúa. Næst á dagskrá eru stafræn sundlaugakort, verkefni sem margir íbúar hafa beðið eftir. 

„Við viljum nýta tækni til að gera lífið einfaldara,“ segir Ásdís Kristjánsdóttir, bæjarstjóri Kópavogs. „Þegar ferlar verða stafrænir, skapast líka meiri tími til að veita persónulega þjónustu fyrir þá sem þurfa.“