Search
Generic filters
Search
Generic filters
Search
Generic filters
Search
Generic filters
Search
Generic filters
FréttIR

„Með skrifstofuna í skýinu“ bókhalds- og stjórnendalausnir

Bjorn Thorhallsson

Skýjalausnir eru allsráðandi í dag og fyrirtækjum sem velja að fara með bókhaldið í skýið fjölgar hratt. Wise er leiðandi söluaðili á Íslandi á bókhaldshugbúnaðinum Microsoft Dynamics NAV og sérhæfir sig í bókhaldi, ráðgjöf og hugbúnaðargerð ásamt öflugri og persónulegri þjónustu.

Áskrift að Microsoft Dynamics NAV veitir fyrirtækjum af öllum stærðum aðgang að einu öflugasta bókhaldskerfi sem er í boði á markaðnum í dag fyrir brot af kostnaði þess að kaupa hugbúnað og vélbúnað ásamt rekstri og hýsingu eins og var áður eini valkosturinn,“ útskýrir Björn Þórhallsson, sölustjóri hjá Wise. Greitt er mánaðarlegt gjald fyrir hugbúnað, uppfærslur og hýsingu og því er rekstrarkostnaðurinn ávallt þekktur. Vistun gagna, afritun, öryggisvarnir og SQL gagnagrunnur er innifalið í verðinu. „Gögnin eru örugg í Microsoft Azure, einu öflugasta gagnaveri heims. Uppfærslur á hugbúnaðinum eru innifaldar í stöðluðum pökkum og þá getur viðskiptavinurinn alltaf verið með nýjustu útgáfu af hugbúnaðinum hverju sinni,“ segir Björn.

Wise býður staðlaðar Microsoft Dynamics NAV lausnir en einnig sérlausnir sem auðvelda og einfalda daglegan rekstur eins og Launa-, Innheimtu-, Banka– og Samþykktarkerfi ásamt rafrænum reikningum. Wise býður að auki upp á sérhæfðar lausnir fyrir ýmsar atvinnugreinar og má þar nefna WiseFish fyrir sjávarútveginn, sveitarfélagalausnir og fleira. Áskriftina er því hægt að aðlaga hverju fyrirtæki fyrir sig óháð stærð fyrirtækja eða flækjustigi.

„Kröfur viðskiptavina okkar eru að hafa góða yfirsýn yfir gögnin og geta greint og nálgast þau hvar og hvenær sem er. Við bjóðum upp á notendavænar lausnir sem veita góða yfirsýn,“ segir Björn. „Dynamics NAV kerfið getur notandinn nálgast í spjaldtölvu, síma, vafra, MacOS eða Windows tölvum. Dæmi um lausnir sem notendur vilja geta notað í símum eru tímaskráningar á verk, samþykkt reikninga ásamt aðgangi að stjórnendaupplýsingum í PowerBI.“

Fyrst með bókhaldskerfi í áskrift

Wise var með þeim fyrstu á markaðinum til að bjóða bókhaldskerfi í áskrift. Í dag eru viðskiptavinirnir fjölmargir víðs vegar um heiminn, að sögn Björns. Áskrift er orðin algengasta form á hugbúnaðarsölu hjá Wise en með því hafa fleiri fyrirtæki nú kost á heildarlausn fyrir reksturinn á sanngjörnu verði. „Áskrift er hagkvæmur og þægilegur kostur fyrir fyrirtæki af öllum stærðargráðum. Hægt er að fjölga eða fækka notendum eftir þörfum og kostnaður við uppsetningar er lítill þar sem engin þörf er á kaupum á miðlægum tölvubúnaði eða hugbúnaðarleyfum,“ segir Björn.

Á wise.is er hægt að velja um áskriftarleiðir og panta aðgang að hugbúnaðinum. Kerfin eru vottuð af Microsoft og innihalda helstu lausnir fyrir fjárhag, sölu, innkaup, viðskiptamenn og lánardrottna ásamt sérlausnum frá Wise sem henta flestum fyrirtækjum. Góð yfirsýn er lykillinn að árangri Wise býður úrval lausna sem gera fyrirtækjum kleift að taka vel ígrundaðar ákvarðanir byggðar á öruggum upplýsingum og er þar helst að nefna Wise Analyzer, teninga, Power BI og vöruhús gagna.

Wise Analyzer er viðskiptagreindarhugbúnaður sem er hannaður af Wise til að tala beint við Dynamics NAV. Ekki er þörf á að vera sérfræðingur í viðskiptagreind (BI) til að nota Wise Analyzer. Hann er einfaldur í uppsetningu, notendavænn og gerir fleiri notendum kleift að vinna með gögn og bæta við fyrirspurnum til greiningar. „Hvergi eru eins hraðar breytingar og í tæknigeiranum. Með hverri útgáfu af Microsoft Dynamics NAV koma fjölmargar nýjungar. Í nýjustu uppfærslunni má sem dæmi nefna sjóðstreymisáætlanir, sérsniðin skýrsluútlit, Power BI lausnir og margt fleira,“ segir Björn.
Nánari upplýsingar um starfsemi Wise lausna er að finna á vefsíðu fyrirtækisins: wise.is

Grein sem birt var í sérblaði Fréttablaðsins um Hugbúnað 21.02.2018

Search
Generic filters