FréttIR

Wise opnar skrifstofu í Noregi

Wise Logo

Wise Blue AS

Wise hefur nú opnað skrifstofu í Álasundi í Noregi undir merkjum Wise Blue AS.
Wise Blue sérhæfir sig í Microsoft Dynamics NAV og er aðaláherslan á lausnir fyrir sjávarútveginn og greiningartól (BI).

„Hjá Wise Blue starfa sérfræðingar með áralanga reynslu af Dynamics NAV. Aðaláherslan er á WiseFish, lausnir fyrir sjávarútveginn, sem nú þegar eru í notkun hjá mörgum af stærri sjávarútvegsfyrirtækjum víðs vegar um heiminn. Við höfum miklar væntingar til framtíðarinnar og hlökkum til að herja á nýjan markað.“, segir Hrannar Erlingsson, framkvæmdastjóri Wise lausna á Íslandi.

Við erum í skýjunum

Orðið „Blue“ stendur fyrir haf og ský, en lausnirnar geta keyrt í skýinu. Boðið er upp á kaup eða leigu á hugbúnaðinum eftir því sem hentar rekstrinum. Hægt er að að hýsa lausnina sjálfur eða nýta sér hýsingu í gegnum Microsoft Azure.

Wise er leiðandi fyrirtæki í upplýsingatækni á Íslandi og var stofnað árið 1995.
Wise rekur nú þrjár skrifstofur. Tvær eru á Íslandi, í Reykjavík og á Akureyri og ein erlendis, í Álasundi, Noregi.

Search
Generic filters